सुख म्हणजे नक्की काय असतं….

प्रशांत दामलेंचं हे गाणं फारच सुरेख आणि अर्थपूर्ण आहे. खरंच सुख म्हणजे नक्की काय? प्रत्येकाच्या सुखाच्या कल्पना वेगळ्या असतात. कोणाला छोट्या छोट्या गोष्टीतसुद्धा सुख दडलेलं दिसतं तर कोणाच्या पायाशी सुख अगदी लोळण घेत असतं पण हे त्याच्या गावीही नसतं. खरंतर सुख मानण्यावर असतं. मनाला आनंद देणाऱ्या इवल्याश्या गोष्टी म्हणजे पण सुखंच नाही का? असंच एक इवलंस सुख मला परम आनंद देऊन गेलं.

तर झालं असं covid-१९ मुळे सगळं जग ठप्प झालेलं. शाळा पण online सुरू झाल्या, आणि ह्या online शाळेचे पहिले विद्यार्थी शिक्षकच ठरले. Laptop, wifi, zoom, microsoft teams, google classroom, powerpoint, word ह्या सगळ्या चक्रव्यूहात अडकलेले अभिमन्यू म्हणजे शिक्षक. ह्याचं training त्याचं training, शेवटच्या मिनिटाला बदलणारे plans, सगळ्यांची अगदी धांदल उडालेली. आपल्याला हे सगळं समजतंय का किंवा जमेल का हा विचार करायला सुद्धा वेळ मिळत नव्हता. त्यात भर म्हणून मुलांच्या पण शाळेच्या orientation, parent teacher meetings (हेही online च बरंका) हेही चालूच होतं.

ह्या सगळ्या धामधुमीत घराचं मात्र रणांगण झालेलं (कचराकुंडी हे जरा जास्त सार्थ ठरेल). आणि जेवणाचे हाल तर विचारायलाच नकोत, जेवण बनवायला चुकून वेळ मिळालाच तर वरण भात हे ठरलेलं (खरंतर वेळात वेळ काढवाच लागत होता जेवण बनवण्यासाठी, कारण एकतर restaurants सगळे बंद आणि असंही कोरोनाच्या दहशतीमुळे बाहेरचं मागवायलाही मन धजावत नव्हतं). दाळ तांदूळ तर आपोआपच cooker मध्ये शिजतील पण ते खायलाही पुरेसा वेळ मिळेनासा झाला होता.

आणि हे सगळं कमी म्हणून की काय एके दिवशी आम्हा सगळ्या शिक्षकांना एका trainig साठी शाळेत बोलावलं होतं. online शाळा सुरू होणार होत्या त्यामुळे तीन चार दिवसांपासून झोप नीट होत नव्हती. आदल्या दिवशीच शाळेचा पहिला दिवस व्यवस्थित पार पडला (की पाडला) होता म्हणून खूप गाढ झोप लागली आणि सकाळी उठायला उशीर झाला. आणि मग अवघ्या अर्ध्या तासात आवरून शाळेची बस जिंकली (जिंकलीच – अतिशयोक्ति नाही ही). पण त्या अर्ध्या तासाच्या आवरण्यात जेवण बनवणे हा slot add करताच आला नव्हता. एकंदरीत काय तर दुपारच्या जेवणाचं काय हा विचार डोक्यात तरळत ठेऊनच मी training attend करत होते. Finally training संपलं आणि घरी पोचायला दुपारचे २ वाजले.

आजच्या training चं नवीन ओझं, लॉक डाऊन सुरू झाल्यापासून पहिल्यांदाच घराबाहेर पडल्यामुळे, training मध्ये जे सगळे होते त्यांच्यापैकी कोणाला कोरोना झालेला तर नसेल ना ही भीती, आणि पोटात भुकेमुळे आकांडतांडव करणारे कावळे ह्या सगळ्यांसमवेतच मी घरात प्रवेश केला. छान गार पाण्याने आंघोळ करून fresh होते न होते तोच, आता जेवण बनवायचं कधी अन मग जेवायचं कधी ह्या कल्पनेनं अंतःकरण जड झालं आणि नवऱ्याने का नाही बनवलं आजचा दिवस जेवण निदान cooker तरी का नाही लावला ह्या विचारानं मेंदू बेभान झाला. आणि तश्याच म्लान अवस्थेत मी किचन मध्ये प्रवेश केला.

पण मग आली kitchen की कहाणी मे twist. चक्क जेवण तयार होतं. अगदी भाजी भात आणि पोळी सुद्धा. इथे मी फक्त cooker तरी लावला असेल का अशी क्षुल्लक आशा करत बसले होते पण मला छप्पर फाडके मिळालं. नवऱ्याने आणि मुलाने मला surprise द्यायचं असं ठरवून पूर्ण जेवण बनवलं होतं. माझ्या आनंदाला पारावार उरला नाही. अगदी काकुळतीला आलेल्या मला न मागता एवढं छान रुचकर जेवण मिळालं आणि तेही आयतं, मन कसं तृप्त होऊन गेलं. पोटच नाहीतर अगदी मन भरेपर्यंत जेवण करून आरामात सोफ्यावर whatsapp चे संदेश चाळत बसले.

अनेक संदेशांमद्धे माझ्या एका विद्यार्थिनीच्या आईचा संदेश होता. आणि त्यात लिहिलं होतं

माझी विद्यार्थिनी खूप खूप खुश झाली कारण यावर्षी पण मीच तिची class teacher होते , आणि खूप दिवसांनी मला पाहून ती चक्क घरभर नाचत होती .

आणि ह्या संदेशयासोबतच तिच्या आईने तिच्या नाचण्याचा video करून पाठवला होता. तो video पाहून माझ्या डोळ्यात आनंदाश्रू तरळले. आयतं मिळालेलं जेवण आणि मला पाहून खुशीने नाचणारी ती गोंडस मुलगी पाहून आपोआप मी गाऊ लागले मला सांगा सुख म्हणजे नक्की काय असतं काय पुण्य असतं की जे घरबसल्या मिळतं .. .. .. .. .. .. .. ..

शिलेदार क्र. २
माझ्या सुखाची शिलेदार - १
माझ्या आजच्या सुखाची शिलेदार क्र. १
why to wait to listen…… right here right now

23 thoughts on “सुख म्हणजे नक्की काय असतं….

  1. किती सुंदर भावना व्यक्त केल्या आहेत.
    तुझ्या निस्वार्थपणे केलेल्या प्रेमाचं आणि कामाचं हे फळ आहे .

    Like

  2. मनिषा खूप छान. माझा पण उत्साह वाढतो आहे वाचून

    Like

  3. सुखाची सुंदर व्याख्या करोनामुळे अनुभवायला मिळाली.

    Like

  4. हा ब्लॉग सुद्धा आमच्यासाठी एक surprise आहे आणि म्हणूनच आम्ही दोघे (सात्विक आणि मी) गातोय, मला सांगा सुख म्हणजे नक्की काय असतं……………

    Liked by 1 person

  5. कित्ती सुंदर… खरच कधी कधी छोट्या गोष्टी मधुन पण आपल्याला खूप मोठा आनंद मिळत असतो … Lucky you are 😍❤️

    Like

  6. अतिशय सुंदर सुरेख भावनांनी परीपूर्ण असा लेखन मनिषा
    गृहीणी साठी आपल्याआई साठी अशा छोट्या छोट्या गोष्टी त पन परमानंद मिळत असतो खरचं 😌

    Like

  7. Online teaching is not established system त्यामुळे खरंच खूप कमी वेळात हे सुरु करण is challenging task for educational institutes and tough challenge for teachers as they are going to represent in audio visual form with lots of patience. मी हे अनुभवतीये माझ्या मुलाच्या online schooling मुळे.
    म्हणून teacher कुठल्या phase मधून जात असतील ते अगदी तू उतरवलयस स्वानुभव मधून.
    जसे Education system ही Teacher, student and Parent ह्या triangle ने बद्ध असते तशीच कुटुंब हे सुद्धा घरातील माणसांच्या गरजा, प्रेम आणि समजुतीने बद्ध असते.
    तुझ्या दोन्ही triangle’s साचेबद्ध अर्थात equilateral असल्याने आणि content अर्थातच समाधानी वृत्तीमुळे सुखाची व्याख्या खूप सहज होते.
    खूप छान लिखाण आणि ते जर स्वानुभवाचे असेल तर ते खूप मनाला भिडते.

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s